თიბისი ბანკის მონაცემთა ანალიზისა და მართვის დეპარტამენტი კლიენტების შესახებ ბანკში არსებული მონაცემებით ქმნის კლიენტების სეგმენტაციისა და მათი ქცევის პროგნოზირების მოდელებს და მჭიდროდ თანამშრომლობს ბიზნესთან ამ მოდელების ბიზნეს-პროცესებში დასანერგად. მიმართულების  მიზანია ბანკმა შეძლოს თითოეული კლიენტისთვის უკეთესი, მათზე პერსონალურად მორგებული საბანკო მომსახურების შეთავაზება.  მონაცემთა ანალიტიკოსის ძირითადი მოვალეობაა დიდი რაოდენობის მონაცემებიდან ანგარიშების აგება და მათი ვიზუალიზაცია, რათა ბიზნესმა შეძლოს მონაცემებზე დაყრდნობით გადაწყვეტილებების მიღება ყოველდღიურ სამუშაო პროცესში.